老曹比短線炒友幾條禁忌

一、唔好買入嗰D股價低於十天移動平均線5％嘅股份。
二、唔好買入表現唔及大市嘅弱勢股。
換言之，只應追入嗰D喺十天移動平均數之上嘅股份，並以十天線做止蝕位。
永遠只炒強勢股，除非技高人膽大，不然少涉足低成交額嘅股份，呢類股份波幅往往十分大。
炒股票不能只憑直覺，應建立一套方法（methodology），然後嚴格遵守。

投資要練精學懶

唔好成為群眾一分子，唔好被眼前利潤吸引，學習從相反角度諗問題，因為成功永遠屬少數人士，樂極生悲嘅例子經常發生，常常記住「Too good to be true!」嘅教訓。留意警告訊號，所有大災難發生之前都有先兆，唔會突然發生，只係人們唔留心。請向「諾亞」學習，喺晴天之時造好「方舟」，而唔係喺船沉之時才搵救生艇。鐵達尼號沉沒嘅理由，係因為船長過分自信。請記住，一天未獲利回吐，你所擁有嘅都只係紙上富貴，唔好沾沾自喜，多D留意股價動向，必要時採取行動。市場只酬勞嗰D方向正確及時機把握得準嘅投資者，而唔係每周工作六十小時嘅勤力者，勤力嘅人只宜打工，不宜做投資；做投資要「練精學懶」。投資唔係群體工作，許多時需要嘅係獨立思考能力，保持獲得資訊；上述都唔係最重要，最重要係分析能力及決定能力。每天有大量資訊喺各種媒體上出現，獲得資訊並唔困難，困難係點樣分析及作決定，有時減少D資訊反而係好事。分析力與決定力來自清晰頭腦，如你有位吵鬧嘅伴侶，一定影響你嘅分析力及決定力。如你有一班豬朋狗友令你夜夜笙歌，每天起床唔在狀態，都影響你嘅分析力及決定力，因為疲倦的腦袋一定唔係清晰嘅頭腦。

中產階級欠安全感樓價難大升

香港中價樓，有波幅，無升幅。

1980年深圳開始工業化，引發香港工廠內移，本港一百萬製造業工人轉型，必須喺其他低收入服務行業搵工，形成1980年起本港中下層社會收入漸漸落後整個社會（因面對勞工供過於求）。1997年7月1日香港主權回歸中國後，中產階級面對同樣問題，香港服務業後勤基地內移（因內地中產階級湧現），從今以後香港中產階級出路唔一樣，職業安全感失去，唔係面對裁員便係凍薪（甚至減人工）。1997年8月以後，樓價上升日子少、下跌日子多，因香港人大學畢業後出路亦在減少中。今天香港大學生月薪一萬二千元、內地大學生仍然只有二千至三千元人民幣，未來兩地差距拉近仍未停止，即內地大學生未來薪金仍會大幅上升，而本港大學生薪金繼續停滯不前，由家吓兩者差距五倍進一步收窄。

香港中產階級雖已經過十年調整，但未來仍有十年或以上調整。從上述角度睇，本港普通住宅樓市嘅前景因中產階級職位缺乏安全感而無法大幅上升。

基督徒理財之道

基督徒理財之道
開源

工作
i. 做喜歡工作
ii. 賺錢當作娛樂
iii. 巴菲特：財富不在擁有幾多在手，而是要求有幾多。
節流
節省、愛惜習慣
買野前先問，我可不可以 「要 / 不要」？

資金增值

時間: 學習回報 / 風險
金錢: 保本

天國之道：
1. 主人會返黎，問責於僕人。
2. 打理教會，認識上帝。
3. 天上、地下產業。
4. 窮寡婦2 cents：上帝所要的是，盡心盡力。

點解有人多d，有人少d？
- 在上帝而言，點解唔可以呀？

4610 匯豐瑞銀七零六購(@EC)

匯豐反彈之選，以$150作目標價。
現價0.075
1個月，可得134%
2個月，可得75%
3個月內匯豐重上150，有6.8%利潤。


股證名稱
4610 匯豐瑞銀七零六購(@EC)
認購 行使價 159.88
到期日 (年-月-日) 2007-06-11
換股比率 10
每手股數 4,000
最後交易日 (年-月-日) 2007-06-05
距離到期日 176日

優秀揀股高手亦有失手時候

無論你係幾咁優秀嘅揀股高手，亦無可避免有失手嘅時候，因此要記住保存資本係首要任務，第二任務才係追求資本升值。千萬不要感情用事，每一項投資必須深思熟慮、理性處理，同時不忘止蝕盤。每次有50％資本損失，下一次必須資本升值100％才補得番，因此不可只投資一隻股份，應該分散 D（但亦不應投資超過十隻股份，為分散而分散）。每次投資前必先訂好可接受嘅最大虧損係幾多，任何時間不忘止蝕盤。

老曹投資智慧十二點

老掉大牙的智慧，偏偏人總喜歡急功近利。

打高爾夫球有90％講心智，其餘10％才係體力，因此年長者通常較年輕者打得好。股市亦一樣，1973－74年我老曹擁有90％勇氣及10％智慧，結果損失慘重；2005至06年我老曹勇氣只餘下10％，智慧則增加咗許多，明白Lose your head before you lose money（失去金錢之前，你首先失去理智）。


老生常談：
一、溝上唔溝落。如你手上嘅投資已略有損失，千萬不可加註。
二、學習「無良」嘅外籍僱傭兵（只幫打贏嗰邊去打仗），如趨勢向上便做好友，一旦趨勢向下便做淡友，唔好立場死硬。
三、資本分兩種，有形嘅一種係金錢，無形嘅一種叫智慧。如你只擁有金錢而冇智慧，遲早喺投資市場輸死；如你只擁有智慧而冇金錢，你只係一名好好嘅講者。成功投資者不但擁有金錢，同時擁有智慧，缺一不可。世上金錢易得，智慧難求。
四、唔好希望低價買入、高價賣出，上述方法冇人可以做得到，應該係「高價買入，低價賣出」！（高價係指股價由低位上升10％到15％之後，即寧買當頭起；低價係指股價由高價回落10到15％之後，即賣出當頭跌嘅股份）。

股市應該鋤弱扶強

五、升市莫估頂，跌市勿猜底，因為你永遠唔知頂喺哪裡及底響何方。
六、永遠買入強勢股、沽出弱勢股。喺股市中應鋤弱扶強，唔係鋤強扶弱。
七、利用基本因素去分析事物，利用技術分析去決定買賣時刻。
八、盛衰循環乃不易道理，經濟週期進入興盛期，不妨大手D吸納；當經濟上升週期進入尾聲之時，小注可怡情。
九、了解群眾、追隨群眾，最終係同群眾對著幹。當群眾哭泣、上街抗議之時，乃入市時機；當群眾歡呼之時，乃出貨時機。當中區大塞車之時，亦係出貨好日子。
十、福無雙至，禍不單行。跌市來之時往往狂風掃落葉，唔會陰風細雨（It never rains but pour）！
十一、止蝕要快（例如虧損10％或以上立即行動），有錢賺不妨滋油淡定慢慢來，賺盡佢，只有年輕人才慌死賺唔切。
十二、紙上談兵易、行軍遣將難。嗰D教你「如何賺取一億元」嘅書千祈唔好睇（通常都係紙上談兵）。

石化企業開始適應外資競爭

2007年watchlist要加入 低油價下的受益者。飛機股 + 石化股

未來高增長股既唔係工業股亦唔係資源股；至於消費股，將面對百駿競走、能者奪魁局面。展望明年商品價格極可能已見頂，除個別金屬例外；

金融服務業純利仍高速增長，但金融股股價已偏高，形成明年投資方面好難入手。

2001年12月11日中國加入WTO後，對石油化工產品進口關稅進行減讓，部分合成樹脂及聚酯、PTA等進口關稅率，要到2008年才能全部減讓。除原油、成品油及化肥仲有貿易配額外，其他均2004年取消，成品油零售業務2004年12月14日亦開放。過去五年，隨關稅下降，令進口潤滑油、石油瀝青、成品油、燃氣、聚酯及聚酯纖維、石油化工下游材料加工等領域有好大發展；

反之，國有企業雖面對很大壓力，透過加快改革、持續重組去削減成本、應付外來競爭，形成過去五年石油股價大升而石化工業股股價仍然受壓。五年過去了，今天中國合成樹脂市場自給率50％、合成纖維（尤其係滌綸）自給率98.7％、合成橡膠自給率62％。內地石化企業開始適應外來企業競爭，估計進入純利回升期。

12月11日中國金融市場對外開放

有睇開曹 Sir 都知佢對內地銀行股有信心，因為入世，反而今國內銀行日益壯大。
佢曽經提過中國銀行3988和建設銀行939

中國銀行3988個名係外國基金個名最響，Bank of China !!!
建設銀行939主要收入來自樓房相關的借貸，所以借貸業務會隨著房地產而增長。

今天係中國入世五周年，加入WTO初期，市場曾擔心汽車工業可能被衝垮，結果不但冇，反而茁壯成長，消費者更開心

。福特汽車估計，2010年中國汽車銷量將超過美國，全球排名第一！中國自主品牌如奇瑞、吉利今年銷量三十萬輛及二十萬，唔比入口汽車差！同日本及韓國汽車、歐美車系列三分天下。中國入世五年，汽車業不但冇被衝垮，反而日益壯大。

今年12月11日中國金融市場對外開放，五年後結果會否一如中國汽車業，不但有被衝垮，反而日益壯大？

曹仁超 2006-12-12 投資者日記

Window Vista 功能逐個捉

Window Vista 功能逐個捉
1. 透明 window
2. improved firewall